Orri-ikustaldiak guztira

2014(e)ko azaroa 26, asteazkena

BOSTGARREN GOGOETA




Arratsaldeon, hemen nago berriz IKT irakasgaian astean zehar ikasi dudana kontatzeko. Asteartero bezala, bi taldeen aurkezpena ikusi genituen, kasu honetan  biak gai berdinekoak izan dira, umeek Internet erabiltzeko segurtasun tekniken inguruan, hain zuzen ere. 

Gauzak horrela, lehenengo taldearen aurkezpena gustatu arren, bigarren taldearena sakonagoa zela pentsatzen dut. Hala ere, biei esker etorkizunean erabilgarriak izan daitezkeen teknikak ikasi egin nituen. Azkenik, denborari eta erantzunen galderei dagokionez, bi taldeek egokitasun handia izan zutela adierazi behar dut, beraz aurkezpenak landuak zeudela nabaritzen zen.



Beste aldetik, gaurko saio praktikoari hasiera emateko “Ardora” programari buruzko azalpenak eta informazioa eman digu irakasleak, euskaraz zenbait ariketa mota sortu edo diseinatzeko balio duena, hala  nola, margotzeko, esaldiak betetzeko, soinu eta hitzak lotzeko, bideoak ikusteko, diktaketak egiteko, etab. Beraz, klasean erabiltzeko programa interesgarria izan daitezke, hala ere, etxera heldu arte ezin izango dut haren erabilera ikusi, unibertsitatean deskargatzerakoan, administratzaile kontuarekin arazoak izan baititugu.


Hori dela eta, “clic” eta “jclic” plataformarekin sartu gara, honek deskarga egin gabe tutorial bat egiteko aukera ematen baitu. Ikusi izan dugun moduan, irakasleak izango garenean klaseak  programa hauen inguruan antolatu ditzakegu, ariketak binaka egin ditzaten edota arbela digitala baldin badago, ariketak talde osorako prestatu ditzakegu. Horrez gain, klase partikularrak edota atzeraturik geratu diren ikasleekin ere errefortzu moduan programa hauek oso egokiak direla pentsatzen dut. Are gehiago, programa zabalera izugarria du, izan ere, arlo eta esparru guztietarako ariketak ditu. 



Hainbat saiakuntza eta frogak egin ondoren, beste programa batean murgildu gara. Kasu honetan, educaplay- arakatu egin dugu, HTML 5 daukana, hau da, hipertextuz markaturiko lengoai bertsio berriena, mobilarekin eta bestelako aparaturekin (tablets, mp4…) komunikatu dezakeena. Zer esanik ez dago ikasgelan jarri aurretik, egokiak eta desegokiak diren ariketak erabaki behar dugula, beraz, aldez aurretiko prestakuntza eskatzen du. Egia esanez, hasieran programa hau aurreko biak baino mugatuagoa ikusten nuen, baina ondoren haren erabilera oso erraza eta dinamikoa zela ikusi nuen. Azalpenak eman ondoren, ikaskide batekin bi ariketa ezberdin egin genituen:





Lehenengo ariketa, sei urteko umeentzako matematikako test bat da:

http://www.educaplay.com/es/recursoseducativos/1668060/matematikak.htm

Bigarren ariketa, ordea, asmakizun bat izan da:

 http://www.educaplay.com/es/recursoseducativos/1668098/asmakizuna.htm



Hori amaitzean, ikasleok sortu edo eraiki dugun ariketak erakutsi egin ditugu, horrela, mota guztiak ikusteko. Jarraian atsedenaldia egin baino lehen, PPT bat bideo moduan gordetzeko modua irakatsi egin digu Karmelek, Openoffice edota Libre Office programekin. Horretarako, Macromedia Flash (.swf) moduan gorde behar dugula adierazi du.

Horren ondorioz, saioaren bigarren partean “Story bird” programa ezagutu egin dugu. Hau eskolan erabiltzeko moduko programa ere da. Programa honek ipuinak egiteko balio du eta erreminta oso erakargarria da umeentzako, hortaz, interesgarria eta erabilgarria iruditu zait programa hau. Honen erabilera ikasteko, bakoitzak ipuin bat asmatu egin dugu, hona hemen nirea, “irlaren kolonizazioa” deritzona:

https://storybird.com/books/a5y3tabwf3/edit/



Jarraian, gauza bera egiteko, baina nahiko desberdina den beste plataforma ikusi dugu, “picture book maker”, hain zuzen ere. Honekin amaitu egin ditugu azalpenak, izan ere, Karmelek nahiko nekatuta geundela nabaritu egin du. Beraz, blogan gogoetak egiteko denbora librea utzi egin digu.

Hau izan da nire astea IKT klaseetan, oso erakargarria iruditzen zaidan irakasgaia da, etorkizunean erabilgarriak izango diren teknika eta metodoak ikasi ez ezik, gaur egun bilaketa lanak eta bestelako lanak egiteko ere balio du. Horregatik, nahiz eta gaur nekaturik egon, jorratzen ditugun gaiak interesgarriak izaten jarraitzea espero dut.

Honenbestez, hurrengo asteazkenera arte neska-mutilak!!
 









2014(e)ko azaroa 19, asteazkena

LAUGARREN GOGOETA



Arratsalde on!, lehen esan dudan moduan hemen nago berriz ere laugarren gogoeta gauzatzeko.

Asteartero bezala, saio magistrala izan genuen, hau da, bi taldeen aurkezpenak. Hala ere, honen aurretik, pasaden egunean ulertu gabe geratu ziren hainbat kontzeptu azaldu zituen irakasleak, hala nola, wikiak edo e- learning, bigarrenak, on line egiten den edozein formakuntza formala dela adierazi zuen. Honen ondorioz, aurkezpenetarako lekua utzi zuen.

Lehenengo taldea horizonte proiektuari buruz aritu zen, nahiz eta gaia oso interesgarria ez izan, hainbat kontzeptu edo termino erakargarriak iruditu zitzaizkidan, hala nola, hiru dimentsiotan inprimatzearen ideia edota laborategi birtualen kontzeptua. Horrez gain, aurkezpenaren amaieran jarri zuten bideoak, nire etorkizunean irakaskuntza gauzatzeko teknologiak eta baliabide digitalak erabiltzera motibatu nau. Azkenik, ebaluaketa orokorra egiteko,  gaia landuta zegoela nabaritzen zela esan behar dut.

Jarraian, bigarren aurkezpena horizon txostenari buruzkoa izan zen, aurrekoan bezala. Hala ere, aurrekoan lehen eta bigarren hezkuntzan zentratu ziren, eta oraingoan, goi mailako ikasketei erreferentzia egin zieten. Horrez gain, bata eta bestearen artean egon daitezkeen ezberdintasunak aipatzeko denbora ere eduki zuten. Gauzak horrela, aurkezpena oso sakona eta egokia izan dela pentsatzen nuenez, horrela islatu nuen ebaluazio tauletan.

Gaur, saio praktikoa izan dugu, hasieran ortotipografiaren inguruan aritu da Karmelek, izan ere, ordenagailuetan lanen antolaketa egiterakoan arazoak izan ditzakegu. Horretarako, ortotipografia erabiltzen dugu, honi esker elementu ezberdinak testuan txertatzeko erabili behar ditugun teknikak jakin ditzakegu. Urrats guzti hauek azaltzen dituen dokumentu bat deskargatu egin dugu.

Horren ondorioz, webquest metodologiari buruz aritu gara. Gehiegizko informazioari erantzuna emateko sortu egin zen. Jarduera hezitzailea du, non Interneteko bilaketa laa nagsitzen den. Gainera, talde lana edo lan kooperatiboa sustatzea du helburu. Sei atal ditu webquest metodologiak:

  • Sarrera: zeregina zein den azaldu. Gaiaren inguruan bideratzea eta ikaslea motibatzeko balio du.
  • Zeregina: Zer lortu behar den zehazki.
  • Prozedura: Zeregin hori lortzeko zer urrats edo pausu jarraitu behar diren. Urrats horiek ederki azalduta egon behar dira.
  • Baliabideak: Informazio bilaketan alferrik denborarik ez galtzeko ematen direnak, webguneak, entziklopedia digitalak, etab.
  • Ebaluazioa: ebaluatzerako orduan, kontuan hartuko diren irizpideak.
  • Ondorioak (hausnarketa bat). Prozesuaz, ikasitakoaz, hobespenaz, zailtasunaz…

Webquest baten ezaugarriak:
  1. Ikuspegi konstruktibista du, hau da, ikasleen mailatik abiatzen da, kontzeptu orokorragoak eta konplexuagoak irakasteko. 
  2. Gaitasun intelektualaren garapenean laguntzailea.
  3. Malgutasun handia duen metodologia da, izan ere, gaia edo adinaren arabera aldatzen baita.
  4. Lehen Hezkuntzan, iraupen motzeko webquest-ak erabili behar dira, 1 eta 3 ekintza bitartekoak. Unibertsitatean edo goi mailako ikasketetan, aldiz, iraupen luzea izan behar du, gaia garatu eta sakondu behar dutelako.
Webquest-aren helburuak:
  •  Ikasleek debboraren erabilpen egokia egitea.
  •   Informazioaren bilaketan ez, baizik eta informazioaren erabilpenean zentratu beharra.
  •  Azterketa, laburpen eta ebaluazio gaitasunak bultzatzea.
Gizarteko hainbat arlo lantzen dira, horrez gain, gaiak eta irakasgaiak ere landu daitezke. Honen inguran, adibide bat jarri digu, “Batxi ondoren, zer?” deritzona, hain zuzen ere. Azkenik, metodologia hau erabiltzearen alde positiboak eta alde negatiboak aztertu egin dugu, atal positiboen inguruan, bisualki ikustea erakargarriagoa dela, ikasleek autonomia lantzen dute, talde lana lantzen da, teknologien erabilera, ikasle aktiboak, doakoa dela aipa ditzazkegu. Beste aldetik, alde negatiboen inguruan, gidatuegia bada autonomia ez dela lantzen, ordenagailuen beharra, internet konexioaren beharra, etab. Amaitzeko, Lehen Hezkuntzako hirugarren ziklotik aurrera erabiltzea gomendatu egin digu.

Webquest alde batera utzi, "Padlet" programa erabili dugu, eguerdian igo dudan murala egin dut eta konturatu naiz, programa oso mugatua dela eta sinpletasun handia duela. Beharbada, bertan erregistratzen bazara, beste aukera asko emango dizu. Horrela izanik ere, umeentzako nahiko aproposa ikusten dut. Azkenik, "audicity portable" programa ere erabili dugu, abestietan nahi duzun moldapenak egiteko edota aurkezpenetan edo bideoetan musika zatiak jartzeko balio duena, hain zuzen ere. 

Besterik gabe, hurrengo astera arte !!